Икоммерциатәым иавтаномтәу аиҿкаара "Аԥсны акоманда" аԥҵоуп ҳҳәынҭқарраҟны.

Уи хықәкыс иамоуп  аҟазара злоу анапхгаҩцәа реиҵааӡареи аицлабра афиналистцәа рпроектқәа рынагӡареи ҳәа аанацҳаит атәыла ахада ипресс-маҵзура.

Ахылаԥшратә хеилак напхгара аиҭоит Аԥсны ахада Бадра Гәынба, аиҿкаара анапхгаҩы хадас дҟаҵоуп Гьаргь Габуниа.

Иара Аԥсуа радио аефир аҟны еиҭеиҳәеит ИИА «Аԥсны акоманда» ҳаамҭазы аус зыднауло апроект хадақәа арбану, иара убасгьы аԥсҭазаара иаларҵәоу атәы.