ААУ аҭоурыхтә факультет астудентцәеи амагистрантцәеи гәыԥҩык мчыбжьык инацны Ҭырқәтәыла  имҩаԥыргон  аҭҵаара-практика «Владислав Арӡынба иҭҵаамҭақәа рышьҭала» ҳәа хьӡыс измаз. Аекспедициа шеиҿкааз, изҭааз ақалақьқәа, ирбаз, ираҳаз, аныҟәарақәа лҵшәас ироур алшо атәы, Аԥсуа радио аефир аҟны еиҭеиҳәеит аҭоурыхтә ҭҵаарадыррақәа ркандидат, ААУ аҭоурыхтә факультет арҵаҩы еиҳабы Џьамбул Инџьгиа.