Аԥсуа бызшәа аҭагылазаашьа аиӷьтәра иазкны аҵарауаа, ашәҟәыҩҩцәа, академикцәа злахәу аизара ду амҩаԥгара азҵаара иалацәажәеит Аԥсны ахада Бадра Гәынбеи ауаажәларратә усзуҩ, апоет, академик Владимир Занҭариеи реиԥылараҿы. Иара убас, иазааҭгылеит 2026 шықәса лаҵарамзазы имҩаԥгахо Аԥсны Жәлар рышәҟәыҩҩы Баграт Шьынқәба изку афестиваль аиҿкаара иадҳәалоу азҵаарақәа.
Владимир Занҭариа Аҧсуа радио аефир аҿы иаҳа инарҭбааны дазааҭгылеит излацәажәаз атәы.